منتدي شباب السلاطين


اهلا وسهلا بكم في منتديات شباب السلاطين
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  متــــــــــــــــــاهة ودوامــــــــــة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الدمعة الخجولة
عضو ماسي
عضو ماسي
avatar

♥المهنهًَََـ♥ : طالبة

♥المـــــزآج♥ :

♥الهــوايةًَُـ♥ :

♥الــدوله♥ :

♥الج‘ـــنــس♥ : انثى

عدد المساهمات : 448

تاريخ التسجيل : 30/01/2012

العمر : 18


مُساهمةموضوع: متــــــــــــــــــاهة ودوامــــــــــة   الأحد أكتوبر 21, 2012 5:15 pm

وكأن
قدرى اعيش فى حيرة على طول، وتفضل حياتى متاهه جوا متاهه اخرج من واحده ادخل فى
التانية، ما اقدرش اتنفس شوية واعيش الا لو كنت جوا المتاهه، ومن دى لدى واهى كده
بقت حياتى.


كل مرة
بتوه اكتر من اللى قبلها، بتأكد من حاجات كنت شاكك فيها، ومن شدة التاكيد بشك
فيها، وبشك فى حاجات كنت متاكد منها زمان، ومن كتر الشك تعبت و بقيت اصدق اى
حاجه.


لسه زى
زمان قلبى قلب طفل صغير بيضحك على اى حاجة، وعندى استعداد اعيش ونفسي اضحك، لكن زى
العادة الدنيا ما بتديش حد كل اللى بيتمناه، اه انا عايش، لكن الدنيا مش راديه تدى
قلبى فرصة يضحك ببرائه، مش موافقة تدينى فرصه افرح زى باقى البشر، وكل ما تديني
حاجة حلوة تخطفها منى بسرعه.


بتدخلنى
فى متاهات تضيع من عمرى حاجات حلوة كتير، وتخطف من جوايا النور والأمل .. وتسيب
شوية جدران محطمة و مكسرة، تاخد من جوايا النور وتسيب مكانه الضلمة والبرد والخوف،
وتخطف احلى سنين عمرى واجمل أحلامى وتسبنى وحيد بفكر فى الف حاجة وبحاول احسبها
يمين وشمال واجبها كده وارجعها كده .. لكن لسه بعيش فى متاهه مش مديانى فرصه افكر
فى نفسي لدقايق.



متاهه او دوامة، ممكن حتى نسميها خلاط!!


المهم
ان كل حاجه بقيت داخله فى كل حاجة وما فيش شيء لسه باقى فى مكانه. الضحكة اختفت
وبقى مكانها ابتسامة بهتانه ما بتعديش حاجز الوش والشفايف، ولا يمكن توصل لقلب اى
حد لانها فى الاصل مش خارجه من القلب ولا حتى قربت منه.


والقلب
تحسه عجز 1000 سنة وهو محسوب على عمر البشر لسه فى عز شبابه، لكنه شايل هموم، حتى
لو الناس شيفاها كلام فاضى لكنى مش مستحملهم.


الواحد
بتجيله لحظات فى حياته يحس فيها برغم قوته .. انه ضعيف. ويحس ان وحدته اللى هى
اقرب ليه من كل البشر بقيت سخيفة وتقيلة ومملة. ويحس انه خايف من وجوده وسط الناس،
خايف ان حد يستغل نقط ضعفه ويكسره اكتر ما هو اصلا مكسور من جواه. بيحلم وعنده امل
انه يلاقى حد يساعده ويقف جنبه وياخد بايده ويمسح عن قلبه الوجع. وبيختفى الأمل
كتير لما الدنيا بتجيب الواحد شوية شمال وشوية يمين، وتمرجحه كانه ما لوش ارض يقف
عليها، ولا حد يمسكه ويسنده.





انا بقى
عايش فى الخلاط ده، وكل يوم بحال .. الدنيا بتلعب معايا لعبتها صح وزيادة، وانا
واقف بتفرج مش قادر اتحرك .. كانى متثبت بسمامير فى الارض .. شمال .. يمين .. فوق
.. تحت .. تشوفنى تقول جبل واقف وما تعرفش ان من جوايا كل شيء جوايا بيبكى ..
بيصرخ من غير صوت .. بيقول كفااااااااااااايا .. انا تعبت.


ايوه
انا تعبت، انا مش لعبه فى ايد حد حتى لو حد مش موجود، انا مش بتاع حد الا نفسي ولا
حد هيحبنى قد ما انا هحب نفسي .. ايووووه انا بحاول افك المسامير، ايووووه انا
لازم اتحرك .. لازم تسمع صوتى وانا بصرخ، لازم تشوف دموعى .. لازم تحس انى ضعيف ..
انى مش جبل واقف ترمى الناس عليه كل اللى بيتقلها علشان تعيش هى خفيفة .. انا كمان
واحد ناس زى باقى الناس دى .. عايز ارمى كل حاجة ورايا واعيش خفيف برضه. عايز احس
بضعفى مع حد بيقوينى، احس ان لسه فيه حاجات حلوة موجودة فى الدنيا، وان مش كل شيء
بقى مخيف زى ما انا شيفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميرة بأخلاقي
عضو مجتهد
عضو مجتهد
avatar

♥المهنهًَََـ♥ : طاالبة

♥المـــــزآج♥ :

♥الهــوايةًَُـ♥ :

♥الــدوله♥ :

♥الج‘ـــنــس♥ : انثى

عدد المساهمات : 50

تاريخ التسجيل : 12/05/2014

العمر : 17


مُساهمةموضوع: رد: متــــــــــــــــــاهة ودوامــــــــــة   الثلاثاء مايو 13, 2014 12:08 am

ســ♥️ــلمت الانــــامل الــ...ــراق،،يــّّــة

طــّّــرح رأإآأئــ~~~ـــع ويستــّّــحق

المتـــــّّّــــــاآأإأآبعة☺️

تحياتي اردنيةّّّ♥️
Arrow  Arrow  Arrow
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
متــــــــــــــــــاهة ودوامــــــــــة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب السلاطين :: "¬°•|الزاوية الأدبية|•°¬" :: همس القوافي وبوح الخواطر-
انتقل الى: